|
Pam gwneud Ewyllys?
Mae yna amryw o resymau dros gwneud ewyllys, ond efallai
yr un mwyaf pwysig yw drwy wneud hyn y bydd eich dymuniadau
yn cael eu gweithredu yn sgil eich marwolaeth. Lluniwch eich
ewyllys gyda ni:
1. Er mwyn tawelu’r meddwl
2. I warchod eich teulu
3. I leihau eich atebolrwydd o safbwynt y
dreth
4. I sicrhau y bydd eich eiddo yn cael ei
drosglwyddo yn y modd y dymunech boed i’ch teulu, ffrindiau,
elusennau neu sefydliadau eraill …… OND
NID I’R DYN TRETH!
Pryder allweddol yw i geisio osgoi’r dyn treth. Rydych
wedi gweithio’n galed i ddiogelu’ch asedau a’r
gwirionedd yw nad ydych am i gyfran mawr ohono ddiflannu mewn
trethi. Mae’r dreth etifeddiant, pan yn berthnasol (bellach
fe ddigwydd hyn yn fwy aml) yn drwm a RHAID cymeryd pob cam
cyfreithiol er mwyn ceisio ei leihau.
Fel arbenigwyr yn y maes hwn gallwn helpu drwy sicrhau fod
eich holl materion yn cael eu hystyried a bod eich ewyllys
yn caniatau delio â’ch ystad mewn modd effeithlon,
gan leihau’r effeithiau ariannol ac emosiynnol ar eich
teulu.
Gall eich ewyllys fod yn barod i’w arwyddo mewn mater
o ddyddiau ac yn hynod fforddiadwy. Dim ond £65 mae’n
gostio am Ewyllys sengl syml neu £85 am bâr. Os
y digwydd i’ch dymuniadau fod yn rhai cymhleth yna gallwn
gwarantu y cewch brisiad clir cyn ymrwymo’ch hun ymhellach.
Er mwyn tawelwch meddwl i chi a’ch teulu dyma un buddsoddiad
y dylech wir ei wneud. Am ragor o wybodaeth am yr hyn sy’n
digwydd os nad ydych yn gwneud ewyllys, cwblhewch y cwis syml
canlynol.
Pam y dylwn wneud ewyllys?
Beth yw Ymddiriedolaeth?
Efallai y byddwch wedi dod ar draws y term ymddiriedolaeth.
Rhwymedigaeth yw hyn ar berson o safbwynt yr eiddo sydd ym
meddiant neu o dan reolaeth y person hwnnw a all gael ei orfodi
gan lys o dan yr ymddiriedolaeth. Mae ymddiriedolaethau yn
ddefnyddiol iawn o safbwynt sicrhau reolaeth iawn ac effeithiol
dros eich materion. Yn aml, fe’u defnyddir fel rhan
o dechnegau rheoli ystad. Rydym yn arbenigwyr yn y maes hwn
a gallwn eich cynghori ar yr hyn sydd ei angen arnoch chi.
Am ragor o wybodaeth am sut y gallwn eich helpu, neu i drafod
problem penodol yr ydych yn gwynebu, yna ffoniwch neu cliciwch
ar y cyswllt cyflym isod.
|
